اسرار ال Ad Quality

الجزء التالت: معنى السكيلنج + جودة الإعلان
في الجزء اللي فات اتكلمنا عن تقسيم الجمهور (Cold – Warm – Hot) وإزاي لازم توجه لكل جمهور الإعلان المناسب ليه.
لكن حتى بعد ما تعمل التقسيم ده صح، هتلاقي ساعات إنك لما تزود الـ Budget … النتائج مش بس مبتتحسنش، دي ممكن كمان تسوء! 😅

السؤال هنا: ليه؟

المنصة اللي بتعلن عليها مش بتشوفك إنت بس، هي شايفة ملايين المعلنين. وعلشان تحدد إعلانك هيظهر لمين وبتكلفة قد إيه، بتقيمه بناءً على حاجة اسمها Ad Quality.

العوامل الأساسية اللي بتحدد Ad Quality:

1️⃣ Engagement

الإعلان لازم يولّد تفاعل (Likes, Comments, Shares, Clicks).

مثال: لو عندك إعلانين بنفس الـ Budget، واحد بيجيب تفاعل والتاني محدش بيبصله → المنصة هتدّي الأول أولوية وتقلل تكلفته.

2️⃣ User Experience

مش كل حاجة في الإعلان نفسه، التجربة بعد الكليك مهمة جدًا.

سرعة موقعك، وضوح الـ Landing Page، الوقت اللي العميل بيقضيه قبل ما يخرج → كل ده بيتسجل ويتقيم.

لو العميل بيهرب بسرعة → المنصة هتشوف إن إعلانك مش مفيد.

3️⃣ Relevancy

مدى ترابط الإعلان مع الـ Landing Page والـ Copy.

مثال: لو إعلانك بيقول خصم 50% والـ Landing Page مش كاتبة كده → ده بيخلي Relevancy قليلة جدًا.

4️⃣ Creative Quality & Dimensions

هل الـ Creative بتاعك معمول بجودة كويسة ومناسب للـ Placement؟

زي إن يكون عندك نسخة للـ Reels (9:16) ونسخة للفيدز (1:1 أو 4:5).

كل ما التجربة بصرية تكون أمتع → Ad Quality أعلى.

5️⃣ Bid

النقطة دي بتحدد إنت مستعد تدفع قد إيه.

بس الجميل هنا إن حتى لو الـ Bid بتاعك متوسط، ممكن تكسب المنافسة لو بقية العناصر فوق مظبوطة 👌

👀 مثال واقعي:

اتنين معلنين عندهم نفس المنتج، نفس الـ Budget:

الأول عامِل Creative بجودة عالية + Landing Page سريعة + Relevancy ممتازة.

التاني إعلان عادي + موقع بطيء.
النتيجة؟ الأول يكسب مزايدة الإعلانات ويدفع CPM أقل، فيقدر يسكيل بسهولة. التاني يدفع أكتر ومبيعاته أقل.