Customer Journey | مدرسة افلييت بروف

ليه لازم تفهم الـ Customer Journey؟

(وليه ممكن إعلانك يكون مش ناجح رغم إنه شكله كويس؟)

فيه نقطة كتير من المسوقين بيتجاهلوها وهي:
العميل مش بيدخل الحملة وهو “جاهز يشتري”… هو بيمر بمراحل.

كل عميل في السوق بيمر بثلاث مراحل رئيسية:

الوعي – Awareness
ده عميل لسه أول مرة يسمع عنك أو عن المنتج…
مش مهتم يشتري، هو بس بيكتشف👉 إعلانك هنا لازم يكون تعليمي – بسيط – بيجاوب على “ليه أشتري ده أصلاً؟”

الاهتمام – Consideration
بدأ يفكر ويقارن بينك وبين غيرك… بقى عنده فضول يعرف التفاصيل.👉 إعلانك هنا لازم يوضح المميزات – يقارن – يعرض قيمة حقيقية

القرار – Conversion
جاهز يشتري… بس محتاج سبب قوي ياخده للخطوة الأخيرة👉 إعلانك هنا لازم يكون فيه CTA واضح – أوفر قوي – ثقة (تجارب، ريفيوهات)

👈 المشكلة بتحصل لما تبعت رسالة غلط في وقت غلط:

لما تبعت أوفر للناس لسه بتتعرّف عليك → هيطنشوك

أو تعمل محتوى تعليمي لناس جاهزين يشترو → هيروحوا لمنافس أسرع منك

💡 المسوق المحترف مش بيبيع لأي حد... بيكلم كل مرحلة بلغتها.
وبيسأل نفسه:

“العميل ده فين دلوقتي؟ وإعلاني بيساعده يكمل الرحلة؟”

✅ لما تبدأ تستهدف بذكاء كل فئة حسب مرحلتها
هتقلل المصاريف – هيزيد التفاعل – هترتفع نسب التحويل (conversion).