🎯Message–Market Fit

Message–Market Fit
تطابق الرسالة مع السوق
ممكن يكون:
المنتج كويس
والإعلان شكله حلو
وبرضه الأداء ضعيف…

ليه؟
لأن الرسالة مش مناسبة للناس اللي بتشوفها.
يعني إيه Message–Market Fit؟
إن الكلام اللي في الإعلان:
بيخاطب احتياج حقيقي عند الجمهور
مش كلام حلو…
كلام “حسّيته عليّ”.

المشكلة فين؟
الإعلان يتكلم عن:
ميزة
أو استخدام
بس مش أهم حاجة في دماغ العميل.
فالعميل يقول:
“حلو… بس مش ده اللي محتاجه”
مثال شوز
شوز شيك جدًا
لو الجمهور مهتم بالراحة
الرسالة ضعيفة.
شوز مريح للمشي اليومي الطويل
ده أقرب لاحتياج حقيقي.

علامة إن مفيش Fit:
الإعلان مفهوم
بس مش مؤثر
تفاعل موجود بدون طلب
تزبطها إزاي؟
افهم أهم مشكلة عند العميل
ركّز على فايدة واحدة أساسية
استخدم نفس لغة العميل
متفترضش… حدّد

الخلاصة
الإعلان مش بيبيع لما يكون “حلو”…
الإعلان بيبيع لما يكون
مناسب للي قدامه.
وده هو الفرق الحقيقي.